Nadine

Hallo!

So jetzt hods mi laung nimma zaht, das i an Beitrog schreib. Oba mia is fad und es is Stefanitog, des is jo de perfekte Zeit^^ Ja wos wü i sogn…i bin vor zirka zwa Wochn 17 wordn. Einige behaupten, i schau ned so aus, aundare behauptn, i bin geistig ned auf dem Level. Wos aundre sogn, is ma jo im Prinzip scheißegal, wei sunst warat i ned de, de i heid bin. Ihr kinnts erst daun wissn wer i bin, wennts mi frogts, wennts vasuachts, mi zu vasteh. Glaubts ia wirklich, das jeda Mensch so is, wie a in da Schui duad? Des is oba ned wirklich eicha Ernst. Des is ziemlich oberflächlich. Eibüdn konn ma si vü, oba de aundan merkn sowieso irgendwaun moi, wennst di vastöhst. Warum euso si bessa mochn, wie ma is? Wos bringt an des? Gor nix, weil ma dadurch sei eigene Persönlichkeit im Prinzip hintn losst. Weil ma ned auf des stoiz is, wos ma is.

Übalegts amoi, wos ia damit aurichts, wennts ia zum wem sogts: du bist dumm, du bist depad etc., obwoi derjenige gaunz genau was, das as ned is. Wos dua i denn in meina Freizeit? Wissts ia des übahaupt? Ia wissts wahrscheinli ned das i Psychologie-Biacha les und ois aundre as dumm bin. I bin schüchtern, jo drum schreib i des in den Blog, den si sötn wer auschaut, oba i muas des jetzt anfoch sogn. Ala des Gfüh, das des irgendwo steht, losst mi scho ruhiga sei.

Na i man es bringt jo sowieso nix, Leid glaubn sowieso imma nur des, wos glaubn woin.

Vagessts sis…

~ von nadiine am Dezember 26, 2008.